«Қазақмыс» корпорациясының жас жұмысшыларының алғашқы жиыны Сәтбаев қаласында өткізілді

ҚАРАҒАНДЫ. Қыркүйектің 4-і. ҚазАқпарат /Валентина Елизарова/ - Қарағанды облысының Сәтбаев қаласында сенбі, қыркүйектің 4-інде Қарағанды, Балқаш, Өскеменнен келген «Қазақмыс» корпорациясының жас жұмыскерлерінің бірінші жиыны болып өтті.

«Біздің форумның Мемлекет басшысы Нұрсұлтан Назарбаевтың Қазақстан халқына жыл сайынғы Жолдауында көрсетілген басымдықтарды жүзеге асыру бағытында атқарылып жатқан шаралар кезінде орын алуы үлкен оқиға. Осы ортақ іске «Қазақмыс» корпорациясы, оның ішінде, әрине, сіздер, жас жұмысшылар өз үлестеріңізді қосып келесіздер. Сіздер нық сеніммен осы үлкен жүйе құрайтын кәсіпорында жұмыс жасаймыз деп айта аласыздар», - деген Қарағанды облысының әкімі Серік Ахметов жиынға қатысушыларға қаратып айтқан сөзінде.