Қазақстан аумағының көптеген бөлігінде тұман түседі, көктайғақ, бұрқасын болады - синоптиктер

АСТАНА. 14 қараша. ҚазАқпарат - Қазақастан аумағының көптеген бөлігінде бүгін атмосфералық ағындардың өтуімен бірге ауа райы тұрақсыз болып, жауын-шашындатады (көбінесе қар), тұман, көктайғақ байқалып, жел күшейеді.

Қазақстанның оңтүстік-батысында ғана жауын-шашынсыз ауа райы сақталады, деп хабарлайды Қазгидрометке сілтеме жасаған ТЖМ баспасөз қызметі.

Ақмола, Павлодар облыстарында кейбір жерлерде жел 15-20 м/с дейін күшейеді, бұрқасын, көктайғақ болады.

Қостанай, Солтүстік Қазақстан, Қарағанды, Шығыс Қазақстан облыстарының кей жерлерінде желдің күші 15-20 м/с дейін жетіп, бұрқасындатады.

Ақтөбе, Оңтүстік Қазақстан облыстарында күндіз кейбір жерлерде жел 15-20 м/с жылдамдықпен соғады.

Жамбыл облысында түнде кей жерлерде тұман түседі, күндіз желдің күші 15-20 м/с дейін жетеді. Атырау облысының кей жерлерінде тұман болады.

Жақын тәуліктерде Қазақстанның солтүстік, солтүстік-шығыс, орталық және шығыс облыстарының су нысандарында мұз пайда болу процесі жалғасып, осыған байланысты республика шығысының жекелеген өзендерінде су деңгейлерінің көтерулері мүмкін. Республиканың қалған бөлігіндегі көптеген өзендерде су бетінің бірте-бірте салқындауы байқалады.