Қазақстан экономикасы екпінді қарқынмен өсіп келе жатқан ел - Финляндия Президенті

АСТАНА. 17 сәуір. ҚазАқпарат - Қазақстан экономикасы екпінді қарқынмен өсіп келе жатқан ел. Бұл туралы бүгін Ақордада Елбасы Нұрсұлтан Назарбаевпен кеңейтілген құрамдағы кездесуден кейінгі бірлескен баспасөз мәслихатында елімізге бірінші мемлекеттік сапармен келген Финляндия Президенті Саули Ниинистё айтты.

«Қазақстан экономикасы барынша екпінді қарқынмен өсіп келе жатқан әлем елдерінің бірі әрі экономикалық өсім рейтингінде қазіргі уақытта үшінші орында тұр», -деді ол.

Бұл ретте Финляндия Президенті экономикалық өсім ел халқының әл-ауқатының арта түскендігін, денсаулық сақтау, білім беру салаларының жақсарғандығын білдіретіндігін баса айтты.

«Сонымен қатар біз Қазақстанның халықаралық саясаттағы, әсіресе осы өңірдегі тұрақтандырушы фактор ретіндегі рөлін талқыладық», - деді ол.