Қазақстан «Кәсіпорынды тіркеу» индикаторы бойынша «Doing Business-2016» рейтингінде 21-орынға көтерілді

АСТАНА. ҚазАқпарат - Қазақстан «Doing Business-2016» жаһандық рейтингінің жекелеген индикаторлары бойынша біршама ілгері жетістіктерге қол жеткізді, деп есептейді ҚР Ұлттық экономика министрлігі Кәсіпкерлікті дамыту департаментінің директоры Ғалия Жолдыбаева.

«Мәселен, «Халықаралық сауда» индикаторында Қазақстан өзінің орнын 63 сатыға дейін жақсартып, бірден 185-орыннан 122-орынға секірген. Осындай жетістіктер ең қиын индикаторлардың бірі - «Құрылысты жүргізуге рұқсат алу» саласы бойынша да байқалған: 154-орыннан 92-орынға, яғни 62 сатыға жоғарылады. «Кәсіпорынды тіркеу» индикаторы бойынша да едәуір жақсы жетістік бар, Қазақстан 34-орынға көтерілді. Былтыр біз 55-орында болғанымызды ескерсек, биыл үздік отыздыққа еніп, 21-орынға тұрақтадық», - дейді ол.

Оның айтуынша, осындай қомақты жетістіктер рейтингтің 10 бағыты бойынша орын алды.