Қазақстан мен Австрияның машина жасау саласындағы ынтымақтастығы арта түспек

АСТАНА. Мамырдың 11-і. ҚазАқпарат - Қазақстан мен Австрияның машина жасау саласындағы ынтымақтастығы арта түспек. Осы орайда бүгін «Редиссон» қонақ үйінде бизнес-форум өтеді,

деп хабарлайды ҚазАқпарат.

Бұл шара Қазақстанға Австрияның машина жасау одағы делегациясының іссапармен келуіне байланысты жүзеге асып отыр.

Бүгін бизнес-форумнан кейін Қазақстан мен Австрияның машина жасау одақтарының арасындағы Меморандумға қол қойылады.

Мамырдың 11-і мен 15-і аралығында Австрияның машина жасау одағының делегациясы Астанада бірқатар шараларға қатысады. Ол басқосулар Мәжіліс депутаттарының қатысуымен өтеді.

Іссапар бағдарламасына сәйкес меймандар ҚР Индустрия және жаңа технологиялар, сондай-ақ экономикалық даму және сауда министрліктерінде, Астана әкімдігінде және бірқатар мекемелерде кездесулер өткізетіні жоспарланған.