Қазақстан мен Беларусьтің таяудағы жылдарда тауар айналымын екі есе ұлғайтуларына мүмкіндіктері бар
Оңаша кездесуде Қазақстан-Беларусь екіжақты қарым-қатынасы, оның ішінде сауда-экономикалық саладағы байланыстарды одан әрі дамыту мәселелері талқыланды.
Қазақстан мен Беларусь арасындағы өзара жоғарғы деңгейдегі түсіністік пен сенімді атай отырып, С.Ахметов «елдеріміздің арасындағы интеграциялық процестерді тереңдете түсу Қазақстанның сыртқы саясатындағы басымдықтардың бірі болып табылады», - деді.
«Біздің елдеріміз арасындағы тауар айналымы өткен жылдың қорытындысы бойынша 1 млрд. АҚШ долларына артты және бізде оны таяу жылдары екі есеге ұлғайтудың барлық мүмкіндіктері бар», - деп түйіндеді С.Ахметов.
Өз кезегінде, М.Мясникович «Қазақстан мен Беларусьтің сауда-экономикалық саладағы байланыстарды дамытуына мүмкіндіктері мол», - деді.
«Біз инвестициялық байланыстар кезеңінен өттік, енді біздің елдеріміздің алдында ғылыми-техникалық және инновациялық өзара іс-қимылдар үшін жақсы мүмкіндіктер ашылуда, бүгінгі бірлескен құжаттарға қол қоюымыз - соның дәлелі», - деп атап көрсетті М.Мясникович.
Кездесу барысында тараптар сонымен қатар Кеден одағы аясында өзара іс-қимылды дамытып, Бірыңғай экономикалық кеңістікті қалыптастыру мәселелері бойынша пікір алмасты.