Қазақстан мен Беларустың ғылыми-техникалық даму саласындағы ынтымақтастығының перспективасы зор - Елбасы

sp;МИНСК. Қарашаның 26-сы. ҚазАқпарат /Ернұр Ақанбай/ - Елбасы Нұрсұлтан Назарбаевтың Беларусқа ресми сапары аясында бүгін Минскіде ҚР Үкіметі мен БР Үкіметі арасында өндірістік және ғылыми-техникалық кооперациялар туралы келісімге қол қойылды. Елбасы бұл құжатты аталмыш саладағы екі елдің ынтымақтастығын кеңейту жолындағы алғашқы қадам деп бағалады,

деп хабарлайды ҚазАқпарат.

«Бізге елдеріміздің ғылыми-техникалық кооперацияларының нақты бағыттарын анықтау қажет», деді кеңейтілген құрамдағы келіссөздер барысында Қазақстан басшысы.

Елбасының айтуынша, Қазақстан мен Беларус арасында елдердің ғылыми-техникалық даму саласындағы ынтымақтастығының перспективасы зор. Бұл бағыт екі елдің экономикаларының бәсекеге қабілеттілігін арттырудағы маңызды мәселе болып табылады.