Қазақстан мен Франция президенттері «ThalèsAleniaSpace» пен «Ғалам» ЖШС БК компанияларының «KazSat-3» құру жобасына қатысып отырғанын құп алды

ПАРИЖ. 19 қыркүйек. ҚазАқпарат - Қазақстан мен Франция басшылығы Елисей сарайындағы келіссөздер нәтижесінде «Казахстан Инжиниринг» ҰК» АҚ мен «Eurocopte» компаниясы арасындағы Қазақстандағы тікұшақ саласын дамыту бағытындағы индустриалдық-технологиялық және сауда әріптестігіне қолдау көрсететініне сенім білдірді.

Сонымен қатар, деп хабарлады ҚР СІМ баспасөз қызметі, Николя Саркози мен Нұрсұлтан Назарбаев «Қазақстан Ғарыш Сапары» ҮК» АҚ мен «EADS Astrium» компаниясы арасындағы ғарыш салсындағы ынтымақтастығының жалғасын табуын құп алып, қазіргі күні Францияда оқып жатқан жоғары білікті қазақстандық мамандарды дайындаудың ерекше маңыздылығын да тілге тиек етті. Мемлекет басшылары Қазақстан мен Франция президенттері «ThalèsAleniaSpace» пен «Ғалам» ЖШС БК компанияларының «KazSat-3» құру жобасына қатысып отырғанын да құп алды.