Қазақстан мен Иордания арасында виза берудің жеңілдетілген жүйесі іске қосылды - ҚР Сыртқы істер министрлігі

АСТАНА. 5 наурыз. ҚазАпарат - Қазақстан мен Иордания арасында виза берудің жеңілдетілген жүйесі іске қосылды. Бұл туралы бүгінгі баспасөз мәслихатында ҚР Сыртқы істер министрлігінің ресми өкілі Алтай Әбибуллаев мәлім етті.

Оның хабарлауынша, наурыздың 1-нен бастап «Қазақстан Республикасының визаларын беру ережелерін бекіту туралы» Сыртқы және ішкі істер министрліктерінің бірлескен бұйрығына толықтыру енгізуіне орай жеңілдетілген виза беретін мемлекеттердің қатарына Иордан Хашимит Корольдігі 48-ел болып қосылды.