Қазақстан мен Қырғызстан Үкімет басшылары екі ел арасындағы ынтымақтастық деңгейін жоғары бағалады

АСТАНА. ҚазАқпарат - Бүгін Қазақстан Премьер-Министрі Кәрім Мәсімов Үкімет үйінде Қырғызстан Республикасының Премьер-Министрі Жоомарт Оторбаевпен кездесті.

Үкіметтер басшылары сауда-экономикалық және инвестициялық салалардағы мәселелерді, сондай-ақ алдында қол жеткізілген келісімдерді жүзеге асыру барысын талқылады.

Тараптар елдер арасындағы өзара іс-қимылды кеңейту үшін айтарлықтай әлеуетті баса айтып, қазақстандық-қырғыз серіктестігінің жоғары деңгейін атап өтті , деп хабарлайды Үкімет басшысының баспасөз қызметінен.