Қазақстанда қол қойылған меморандумдар аясындағы келісімшарттардың үштен бірі Маңғыстау облысында жасалған

АҚТАУ. ҚазАқпарат - Қазіргі кезде жергілікті үлесті арттыру үшін Маңғыстау облысында жалпы сомасы 311,4 млрд. теңгеге 120 меморандумға қол қойылды. Аталған меморандумдардың аясында 295 млрд. теңгеге 334 келісім жасалды.

«Бұл келісімдер ҚР-да жасалған келісімдердің жалпы көлемінің үштен бір бөлігін құрап отыр», - деп атап өтті аймақтың әлеуметтік-экономикалық дамуына арналған конференцияның барысында Маңғыстау облысы әкімінің орынбасары Шолпан Ілмұханбетова.

Бұдан басқа, оның атап өтуінше, барынша жұмыспен қамту жергілікті билік көздері жұмысының басты векторы болып табылады. «Жыл басынан бері облыс бойынша 13 мың 570 жұмыс орны құрылды, бұл өткен жылмен салыстырғанда 109 орынға көп. Жұмыссыздықтың жалпы деңгейі өткен жылмен салыстырғанда 5,4 пайыздан 5,2 пайызға дейін, соның ішінде жастар арасындағы жұмыссыздық деңгейі 6,8 пайыздан 3,8 пайызға дейін төмендеген. Бұл қарқынды сақтап, барлық деңгейдегі жұмыскерлерді қысқарту қаупін барынша азайту үшін әкімдіктердің жұмыс берушілер, кәсіподақтар және Кәсіпкерлер палатасымен бірлесіп өндірістік процестерді тұрақтандыру, жұмыскерлердің еңбек құқықтары мен жұмысқа орналасуын қамтамасыз ету мәселелері бойынша ынтымақтастық туралы 620 меморандум жасалды. Сол арқылы экономиканың түрлі секторларында 105 мың жұмыскердің мүддесі қорғалды», - деп түйіндеді Ш.Ілмұханбетова.