Қазақстанда мемлекеттік-жекеменшік серіктестік жобаларына «Хиляль Банк» АҚ-ның қатысу мүмкіндігі талқыланды

АСТАНА. Маусымның 1-і. ҚазАқпарат - «Қазақстандық мемлекеттік-жекеменшік серіктестік орталығы» АҚ басқармасының төрағасы Болат Смағұлов Қазақстандағы «Хиляль Банк» акционерлік қоғамы

басқармасының төрағасы Прасад Абрахоммен кездесті, деп хабарлады орталықтың баспасөз қызметінен.

Кездесу барысында Б.Смағұлов П.Абрахом мырзаны қазақстандық мемлекеттік-жекеменшік серіктестік орталығы мен ҚР Экономикалық даму және сауда министрлігі бірлесіп әзірлеген Қазақстан Республикасында мемлекеттік-жекеменшік серіктестікті дамытудың 2014 жылға дейінгі тұжырымдамасымен таныстырды.

Сондай-ақ, мемлекеттік-жекеменшік серіктестік жобаларына «Хиляль Банк» АҚ-ның қатысу мүмкіндігі де талқыланды.

Тараптар тығыз және табысты ынтымақтастықты әрі қарай жалғастыруға келісті.