Қазақстанның Қытайдағы Елшісі ҚХР Мемлекеттік кеңесінің Премьерімен кездесті

АСТАНА. ҚазАқпарат - Қазақстанның Қытайдағы Елшісі Шахрат Нұрышев 2015 жылы 30 қыркүйекте жаңадан аккредиттелген шетелдік елшілермен кездесу аясында ҚХР Мемлекеттік кеңесінің Премьері Ли Кэцянның қабылдауында болды.

Сұхбаттасу бырысында Қазақстан және Қытай арасындағы жан-жақты стратегиялық әріптестіктің оң қарқыны атап өтіліп, оның одан ары қарышты дамуына сенім білдірілді. Мемлекеттік кеңестің Премьері 2015 жылы 30 тамыз - 3 қыркүйекте ҚР Президенті Нұрсұлтан Назарбаевтың Қытайға жасаған мемлекеттік сапарының қорытындыларына, атап айтқанда, 33 құжатқа, соның ішінде индустриализация және инвестициялар саласында сомасы 23,4 млрд. АҚШ долларын құрайтын 28 құжатқа қол қойылған сапар нәтижесіне өзінің жоғары бағасын берді.