Қазақстанның ұлттық бірлігі - қоғамның ұзақмерзімдік стратегиясы - павлодарлық этноқұрылым өкілдері

ПАВЛОДАР.  Қазанның  29-ы.  ҚазАқпарат /Вера Ливинцова/ -   Павлодардың  Достық сарайында   бас қосып,  «дөңгелек  үстел»  отырысын өткізген     Қазақстан  халқы Ассамблеясының XV сессиясына  қатысушылар   этнобірлестік  өкілдерімен,   қоғамшылар  мен     қарапайым қала тұрғындарымен   осынау  форумнан  алған  әсерлерімен     бөлісті.

Сессияға Павлодар облысының  атынан   18 облыстық,  9 қалалық   және  47 селолық    ұлттық орталықтардың  өкілдері   қатысты.

«Он бесінші сессия - этносаралық   өзара іс-қимылдың  беделді  институты ретіндегі,    мемлекеттік ұлттық саясатты  табысты жүзеге асыру  ретіндегі Ассамблеяның     тәжірибесін    көрсететін   белгілі бір меже.   Оның   аясы   елімізде    тұратын     барлық   ұлыс өкілдерінің  өзара    қарым-қатынасы  қамтамасыз  етілетін     үлкен  алаңға айналып отыр»,  дейді      Қазақстан  поляктары одағының  төрағасы Виталий Свинцицкий.

«Дөңгелек  үстел»  басына  жиналған   қауым   Елбасы Н.Назарбаев алға қойған  міндеттерді   талқылап,  оларды  жүзеге асырудың жолдарын анықтады.