Қазалыда 121,7 млн. теңгенің мүлкі заңдастырылды - Қызылорда облысы

ҚЫЗЫЛОРДА. ҚазАқпарат - Мүлікті жария ету бойынша Қазалу ауданы әкімдігі жанындағы комиссияға жалпы сомасы 210 087 400 теңгеге мүлікті заңдастыруға 61 өтініш келіп түсті.

Бұл туралы аудандық әкімдіктің баспасөз қызметі хабарлады.

Оның ішінде: 69 650 000 теңгенің 45 тұрғын үй нысаны; сомасы 140437 400 теңгенің 16 тұрғын емес коммерциялық нысандары бар. Құжаттардың толық ұсынылмауына байланысты 6 өтініш кері қайтарылған.

Өтініштерді қарау нәтижесі бойынша аудандық комиссия тарапынан 15 өтініш қанағаттандырылып, 121 701 735 теңгенің мүлкін жариялау туралы шешім қабылданды.