Қазалыда құны 151 млн. теңге тұратын асфальт зауыты салынуда - Қызылорда облысы

ҚЫЗЫЛОРДА. Тамыздың 16-сы. ҚазАқпарат /Руслан Игілік/ - Қызылорда «Қазалы-Құрылыс» ЖШС құны 151 млн. теңгені құрайтын асфальт зауытын салу үстінде. Ауысымына 800-1000 тонна өнім шығаратын зауыт соңғы үлгідегі технологиямен жабдықталған.

Қытайдан 57 млн. теңгенің құрал-жабдықтары әкелінді. Нақты кезеңде зауытты құрастыру процесі жүргізілуде. Зауытқа асфальт төсегіш, грейдер, басқа да арнайы техникалар алу мақсаты­мен несиелендіруге құжаттар жолданды. Несие көлемі 87,995 мың теңгеге есептелген. Зауыт жыл аяғында пайдалануға беріледі деп жоспарлануда.