«Қазгидромет» республиканың бірқатар аймағында түнде ауа райы күрт суытатындығын ескертті

АНА. 6 мамыр. ҚазАқпарат - «Қазгидромет» алдағы тәуліктерде республиканың бірқатар аймағында ауа температурасы күрт төмендейтіндігін ескертті.

«6-9 мамыр күндері түнде Астана, Ақмола, Шығыс Қазақстан, Қостанай, Қарағанды, Солтүстік Қазақстан және Павлодар облыстарында ауа температурасы 0-3 градусқа дейін суытады», - делінген таратылған хабарламада.

Гидрометеорологиялық болжамдарға сәйкес, алдағы күні күтіліп отырған нөсерлі жауындарға байланысты Алматы облысының таулы өзендерінде су деңгейі көтеріліп, жекелеген өзендерде еріген қар мен жаңбыр суының салдарынан тасқын болуы мүмкін.