«Қазпошта» АҚ қызметкері 2,8 млн. теңгені жымқырған - Ақмола облысы

АСТАНА. ҚазАқпарат - Ақмола облысы Шортанды аудандық соты «Қазпошта» АҚ пошта желісі филиалының қалалық бөлімінің басшысына қатысты қылмыстық іс қарады.

Сот анықтағандай, азаматша Г. өзінің қызметтік бабын пайдаланып, өзіне сенiп тапсырылған жалпы сомасы 2 794 996 теңге мөлшерде қаражатты жымқырған.

Сот үкімімен азаматша Г. Қазақстан Республикасы Қылмыстық кодексінің 189-бабының 3-бөлігінің 1-тармағымен көзделген жасалған қылмысы үшін кінәлі деп танылып, оған 6 (жыл) бас бостандығынан айыру, барлық мүлкін тәркілеп, материалдық құндылықпен байланысты белгілі бір лауазымдарды атқару құқығынан 3 (үш) жылға айыру жазасы тағайындалды, деп хабарлайды Ақмола облыстық сотының баспасөз қызметі.

Сот үкімі заңды күшіне енген жоқ.