"Қазпошта" АҚ-ы қашықтық сауданы дамытуға мүдделі тараптарға пошталық және қаржылық қызметтерін ұсынуға дайын
Оны "Қазпошта" АҚ-ы Ресейдің Ұлттық қашықтық сауда қауымдастығымен бірлесіп ұйымдастырды. Оған әлемнің 30-ға жуық елінен түрлі компаниялардың өкілдері қатысуда. Мамандардың айтуынша, қазір қашықтық сауда бизнестің қарқынды дамып келе жатқан және келешегі кемел бағыттарының бірі болып отыр. Ол Еуропа елдерінде жалпы ішкі өнімнің 7 пайызына жуығын құрайды. "Қазпошта" АҚ-ның пошталық қызмет департаментінің директоры Бауыржан Байжігітовтің айтуынша, олар нарықтың бұл саласын дамыту үшін соңғы кезде бірқатар ауқымды іс-шараларды жүзеге асырып жатыр. Соның бір бағыты ішкі нарыққа шетелдік компанияларды тарту болып отыр. "Қазпошта" қазіргі таңда қашықтық сауданы дамытуға мүдделі барлық тараптарға пошталық және қаржылық қызметтерін ұсынуға дайын.