Қазталовтық кәсіпкер тасқын судан зардап шеккендерге қолұшын созды

ОРАЛ. 5 мамыр. ҚазАқпарат /Елжан Ералы/ - Қазталов ауданы Бостандық ауылдық округіндегі «Өркен» шаруа қожалығының басшысы Сабырғали Бекмұханбетов БҚО-да болған тасқын судан зардап шеккендер қорына 100 мың теңге аударды.

Кәсіпкер сондай-ақ аудандық малдәрігерлік ұйымы мен «Қазталов-Жәрдем» қоғамдық қорына 50 мың теңге аударды.

Бұл С.Бекмұханбетовтің бірінші қайырымдылық көмегі емес. Өткен жылы ол ауылдастарына мерзімдік басылымдарға жазылуға жәрдемдескен болатын.