Кеден одағы аясында валюталық заңнама қайта қарастырылған жоқ - Қаржы министрі

қпанның 22-сі. ҚазАқпарат /Руслан Ғаббасов/ - Кеден одағы аясында валюталық заңнама қайта қарастырылған жоқ. Бұл туралы бүгін Астанада онлайн конференция барысында Интернет пайдаланушылардың сауалдарына жауап беру кезінде Қаржы министрі Болат Жәмішев мәлім етті,

деп хабарлайды ҚазАқпарат.

«Шілденің 1-інен бастап әуежайларда Ресейге және Беларусқа ұшатын азаматтарды кедендік бақылаудан өткізу іске асырылмайды деген мәлімет шын ба? Құнды, антиквариат заттарын, сондай-ақ 10 мың АҚШ долларынан астам қаржыны ресми рәсімдеусіз өткізу мүмкін бе?» - деген сауалға министр: «Валютаны тасымалдау бойынша шектеу бұл валюталық заңнама. Кеден одағы аясында валюталық заңнама қайта қарастырылған жоқ. Бірақ та, Бірыңғай экономикалық кеңістік бойынша келісімді даярлау аясында ауқымы кең мәселелер қамтылады»,-деді.

Б. Жәмішевтің сөзіне қарағанда, егер Кеден одағы тауардың еркін тасымалдауын қамтамасыз етсе, ал Бірыңғай экономикалық кеңістік тұрғысындағы келісім жұмыс күшінің, капиталдың еркін жүруін, келісілген монополияға қарсы, ақшалай-несилік, сондай-ақ валюталық саясатты қамтамасыз етпек.

«Атап айтқанда, бұл тұрғыда экономикалық қатынастардың елеулі ықпалдастығы белгіленіп отыр»,-деді министр.