Қырғызстанда 6 мың метрден астам биікке шығатын альпинистер рұқсат алуға міндеттеледі
АСТАНА.KAZINFORM — Қырғызстан альпинистерді биіктігі алты мың метрден асатын тау шыңдарына шығуға ақылы рұқсат алуға міндеттеді, деп хабарлайды Kazinform агенттігінің тілшісі.
Тиісті заң жобасы Қырғыз Республикасының Жогорку Кенешінде әзірленіп, қоғамдық талқылауға ұсынылды.
Елде альпинизмнің танымалдығы артып келеді. Ал альпинизм саласында қауіпсіздік, экологиялық жауапкершілік және рұқсат алу мәселелерінде құқықтық вакуум тудыратын заңнама әлі жоқ.
Рұқсат алу мыналарға мүмкіндік береді:
* мемлекеттік органдар альпинистердің жүру бағыттарын қадағалау және қажет болған жағдайда қар көшкіні қаупімен, ауа райының күрт өзгеруімен және күрделі логистикамен байланысты төтенше жағдайларға жедел ден қою;
* антропогендік жүктемені шектеу, альпинистер ағынын бақылау және экологиялық тұрақты альпинизм принциптерін жүзеге асыру;
* рұқсат беруден түскен қаражатты инфрақұрылымды дамытуға (тау лагерьлері, тау жолдары, байланыс жүйелері), авариялық-құтқару жұмыстарын қаржыландыруға және табиғи аумақтарды қорғауға бағыттау.
Альпинистерге рұқсат беру мен тіркеудің ашық тетіктері тауға шығушылардың сенім деңгейі мен құқықтық қорғалуын арттыратыны аталып өтті.
Тау шыңдарына экспедициялар жүргізу кезінде альпинистердің медициналық көмек пен эвакуацияны қамтитын қолданыстағы сақтандыруы болуы керек. Сондай-ақ, барлық қалдықтарды арнайы көзделген орындардағы жеке қаптарға тастау міндеттеледі. Құжатқа сәйкес, пермит алуды қажет ететін тауларға өрмелеу тек сертификатталған гидтің көмегімен мүмкін болады.
Төлем тәртібі, мөлшері мен рұқсат қажет аумақтардың тізбесін Қырғыз Республикасының Министрлер Кабинеті белгілейді. Бұған дейін сарапшылар Қырғызстан тауларындағы ресейлік альпинисті құтқару мүмкін емес екенін айтқан.
