Қостанай облысындағы тау-кен кәсіпорнында инвестициялық бағдарлама іске асырылуда
Жаңа техника кәсіпорынның инвестициялық бағдарламасы шеңберінде алынды. «Воbcat» шынжыртабанды және доңғалақты автотиегіштері шағын габаритына қарамастан біраз шаруаны тындырады.
Жабдықтарды жөндеу және пайдалану учаскесінің шебері Тимур Балгенжиннің айтуынша, жаңа машиналарды 1,5 тоннаға дейінгі салмақтағы жүктерді тасымалдауға, аумақты қардан тазартуға, гүлзарлардың шөбін шабуға, сондай-ақ асфальтті сыпыру, ор қазу жұмыстарына және сусымалы жүктерді тиеуге қолдануға болады.
Оны көптеген аспалы жабдықтармен жарақтандыруға болатыны әмбебап болып, жұмыс өрісін кеңейте түсуде.
Мамандар машиналардың шағындығы мен ептілігіне, орнынан тапжылмай тұрып 360 градусқа бұрыла алатынына жақсы сипаттама беріп отыр. «Воbcat» басқа машиналардай рульмен емес, джойстикпен басқарылады. Аталмыш заманауи техника жөндеушілер үшін таптырмайтын көмекшіге айналды.