Қостанайда Денсаулық фестивалі басталды
Фестиваль - салауатты өмір салтын қалыптастыру проблемаларының облыстық орталығы жыл сайын ұйымдастыратын дәстүрлі шара. Ұйымдастырушылардың айтуынша, фестиваль: «Дұрыс тамақтан. Спортпен өмір сүр. Денсаулығыңды сақта» деген ұранмен өткізілуде.
Қостанайдың орталық алаңында өтіп жатқан түрлі спорттық жарыстарға, оның ішінде Президенттік миль жарысына кез-келген адам қатыса алады. Қостанайлықтарға сондай-ақ, тәжірибелі мамандар зиянды әдеттерден арылудың және дұрыс тамақтанудың негіздері бойынша кеңестер беруде.
Фестиваль аясында «медициналық қалашық» та жұмыс істеп жатыр. Оның аумағында емдеу-профилактикалық мекемелер ұсынатын денсаулыққа пайдалы өнімдердің көрмесі орналасқан.