Қостанайда «Жедел-жәрдем» көлігі жанып кетті

ҚОСТАНАЙ, 3 наурыз. ҚазАқпарат - Қостанай облысы бойынша ТЖД-нің кезекші бөліміне кәугерлерден «Жедел-жәрдем» көлігінің жанып жатқандығы туралы хабар түсті.

Оқиға Қостанайда жұма күні кешқұрым Абай даңғылында болды. Оқиға орнына №7 мамандандырылған өрт сөндіру бөлімінің және жол полициясы қызметкерлері шұғыл жетті.

«УАЗ» жедел-жәрдем машинасының мотор бөлігі мен мата қаптамасы жанып жатты. Өртті жалпы аумағы 2 шаршы метрді құрады. Жүргізуші мен жолаушылар (9 адам) жана бастаған көліктен шығып үлгергендіктен, зардап шеккен жоқ.  

Өрт сөндірушілер жалынды 3 минуттың ішінде сөндірді. Алдын ала болжам бойынша, өрт қозғалтқыштың электр сымдарының қысқа тұйықталуынан болды.