Қосыша құн салығын төлеуші ретінде тіркеу есебіне қою жөнінде семинар өткізілді
деп хабарлайды ҚазАқпарат тілшісі.
Семинар-кеңесте қосылған құн салығын төлеуші ретінде тіркеу есебіне қойылғанын растау рәсімінен өту жөнінде түсіндірме жұмыстары жүргізілді. Сондай-ақ салық есептілігін тапсыру тәртібіне, салық төлемгерлерінің салық міндеттілігіне енгізілген өзгерістер туралы сөз болды.
Қызылорда қаласы бойынша салық басқармасы бастығының орынбасары Қазтай Әбдіреевтің айтуынша, үстіміздегі жылдың 1 желтоқсанына дейін қосылған құн салығы төлемгері ретінде есепке тұрған заңды тұлғалар қайта рәсімдеуден өтуі тиіс. Себебі, заңсыз жұмыс істеп жатқан заңды тұлғалар көбейді. Жалған есеп-фактураларын толтыру жағдайлары жиіледі. Белгіленген мерзімге дейін салық органдарына өтініш білдірмегендер 2010 жылғы 1 қаңтардан бастап қосылған құн салығын төлеуші болуын тоқтатады.