ҚР Елшісі А.Қарашев Чехия жоғары оқу орындарында оқитын студенттермен кездесу өткізді

ПРАГА. Наурыздың 16-сы. ҚазАқпарат – Қазақстан Республикасының Чехия Республикасындағы Елшісі Анарбек Қарашев наурыздың 13-інде чех жоғары оқу орындарында оқитын студенттермен кездесу өткізді,

деп хабарлайды ҚазАқпарат ҚР Сыртқы істер министрлігінің баспасөз қызметіне сілтеме жасап. Кездесудің мақсаты ? Мемлекет басшысы Нұрсұлтан Назарбаевтың Жолдауында белгіленген әлеуметтік-экономикалық міндеттерді талқылау болды. Елші өзінің сөйлеген сөзінде әлемдік қаржы дағдарысы жағдайындағы ҚР Үкіметінің экономикалық саясатын студенттерге түсіндірді. Ол әлеуметтік бағыттың басым күйінде, оның ішінде «Болашақ» халықаралық бағдарламасын қаржыландыру бұрынғы қалпында қалатынын атап өтті.