ҚР Халық әртісі Қ. Сұлтанбаевқа Арал қаласында көше аты берілді

ҚЫЗЫЛОРДА. ҚазАқпарат - Бүгін Арал ауданының тумасы, ҚР Халық әртісі, «Тамаша» әзіл-оспақ театрының тарланы Құдайберген Тәуекелұлы Сұлтанбаевқа Арал қаласынан көше аты беріліп, ас берілді.

Бұл туралы аудан әкімінің баспасөз қызметінен хабарлады.

Осы шараға Қ.Сұлтанбаевпен бірге еңбек еткен әріптестері Тұңғышбай Әл-Тарази мен Асылбек Боранбаев, үзеңгілес жора-жолдастары келді. Сондай-ақ, Арал қаласының мәдениет үйінде өткен еске алуға арналған кешке ақын Шөмішбай Сариев, Ж.Сейдоллаұлы, М.Садуақасова, Ж.Ысқақова, Г.Оразымбетова, А.Еңсепов, Ө.Айниязов және басқа да эстрада жұлдыздары мен мәдениет қайраткерлері қатысты.