ҚР Парламенті Мәжілісінің депутаты М. Әбенов қоғамдық қабылдау өткізді

АСТАНА. Қарашаның 3-і. ҚазАқпарат /Жасұлан Аманбайұлы/ - Бүгін «Нұр Отан» ХДП Орталық аппаратында  ҚР Парламенті Мәжілісінің депутаты Мұрат Әбенов азаматтарды қабылдады.

Бұл туралы бүгін брифингте партияның ресми өкілі Оксана Петерс мәлім етті, деп хабарлайды ҚазАқпарат.

«Қабылдауға түске дейін барлығы 7 адам келді. Олардың төртеуі несиелік қарыз мәселелері бойынша, бір адам заңсыз жауапқа тарту, біреуі тұрғын үй, енді бірі соттық іс бойынша шағымданған. Бес адамнан жазбаша өтініш қабылданып, қалғандарына түсіндірме жұмысы жүргізіліп, құқықтық кеңес берілді», деп атап көрсетті ол.