ҚР Премьер-Министрі Ұлыбритания сыртқы істер министрінің орынбасары Саида Варсиді қабылдады
Бұл туралы Үкімет басшысының баспасөз қызметінен хабарлады.
Кездесу барысында Қазақстан-британ ынтымақтастығы, оның ішінде сауда-экономикалық саладағы байланыстар бойынша ауқымды мәселелер талқыланды.
«Ұлыбритания Қазақстан үшін стратегиялық әріптес болып табылады. Біз мұнай-газ және тау-кен салаларында тығыз байланыс орнаттық, алайда елдеріміздің экономикасының басқа да басым салаларында өзара іс-қимылға әлеуеті бар», - деді Үкімет басшысы.
С.Варсидің айтуынша, мұндай саланың қатарына «жасыл» экономика бойынша өзара іс-қимыл жатады. «Біздің елдеріміз «жасыл» экономиканы дамытуға үлкен мән береді, оның зор әлеуетін есепке ала отырып, біз сіздермен «жасыл» технологияны трансферттеу төңірегінде ынтымақтасуға әзірміз», - деді С.Варси.
Тараптардың пікірінше, екіжақты сауда-экономикалық және мәдени-гуманитарлық байланыстарды одан әрі дамытуға барлық қажетті жағдай жасалған.