ҚР Тұңғыш Президенті қоры мен Қытай Қоғамдық ғылымдар академиясының арасында ынтымақтастық туралы келісімге қол қойылды - Бейжің
кеңейту және тереңдету жөніндегі қызметтері» деген тақырыпта қазақстан-қытай сараптау кеңесінің екінші отырысы өтуде.
Қазақстан Республикасының Тұңғыш Президенті қорының атқарушы директорының орынбасары Сергей Тоқтаров сапар аясында Қытай Қоғамдық ғылымдар академиясының вице-президенті Ли Янмен кездесті. Кездесуден кейін тараптар ҚР Тұңғыш Президенті қоры мен Қытай Қоғамдық ғылымдар академиясының арасында ынтымақтастық туралы келісімге қол қойды.
Қазақстан-қытай сараптау кеңесінің екінші отырысында сөйлеген алғысөзінде С.Тоқтаров, Қазақстан Республикасы Тұңғыш Президентінің қоры сараптамалық диалог форматындағы кездесулерге үлкен маңыз беретінін, бұл кездесулердің барысында қазақстан-қытай стратегиялық серіктестігін және бірқатар екіжақты және көпжақты мәселелер бойынша өзара іс-қимылдарды әрі қарай арттыру мәселелері бойынша егжей-тегжейлі пікір алысу мүмкіндігі берілетінін атап көрсетті.
«Қазақстан-қытай ынтымақтастығының ерекшелігі сол, онда мемлекет басшыларының жоғары сенімді қарым-қатынастары байқалады. Қытай Халық Республикасының Төрағасы Ху Цзиньтао мен Қазақстан Республикасының Президенті Нұрсұлтан Назарбаевтың тікелей қамқорлықтарының арқасында соңғы жылдары екі елдің стратегиялық серіктестігі дамып келеді», деді С.Тоқтаров өз сөзінде.