«Құқық тәртібі» республикалық операциясына солтүстікқазақстандық 4200 полиция қызметкері жұмылдырылды
Солтүстік Қазақстан облысында операцияға 4200 полиция қызметкері атсалысып жатыр.
Облыстық ішкі істер департаментінің баспасөз қызметінен хабарлағандай, операция барысында ішімдікке жақын, отбасы-тұрмыс жағдайында құқықбұзушылықтарға жол беретін азаматтар үй жайлары бойынша тексерілуде. Арнайы операцияның екі күнінде облыстың 500 тұрғыны профилактикалық есепке алынған.
Полиция қызметкерлері сондай-ақ, қаруды заңсыз сақтағаны үшін 145 шетелдікті әкімшілік жауапқа тартты, олардың төртеуі сот шешімімен ел аумағынан шығарылды.
Ал жол полициясы басқармасының қызметкерлері рульге мас болып отырған 12 азаматты ұстады. Сондай-ақ, атыс қаруын заңсыз сақтаудың 82 факті тіркелді.
Оған қоса, полицейлер қайғылы оқиғалардың алдын алу мақсатында әкімдік және төтенше жағдайлар департаменті қызметкерлерімен бірлесіп, пиротехника заттары сатылатын нүктелерді тексеруде.