Құқықтық түсіндіру бағытында дөңгелек үстел өткізілді

Қ ЫЗЫЛОРДА.  Желтоқсанның 28-і. ҚазАқпарат (Руслан Игілік) -«Нұр Отан» ХДП облыстық филиалы мен ҚР Бас прокуратурасы Құқықтық статистика және арнайы есепке алу жөніндегі комитеті облыс бойынша басқармасы мемлекеттік органдар, кәсіпкерлік саласы және бұқаралық ақпарат құралдары өкілдерімен құқықтық түсіндіру бағытында дөңгелек үстел өткізді,

деп хабарлайды ҚазАқпарат тілшісі.

Жиынды басқарма бастығы Бақыт Нұрманов жүргізіп отырды. Онда «Жеке кәсіпкерлік туралы» Заңына соңғы енгізілген өзгерістер мен толықтырулар жайында сөз қозғалып, баяндамалар тыңдалды. Сонымен бірге мемлекеттік органдардың міндетті ведомстволық, статистикалық есептілікті және тексеру парақтарының нысандары, тәуекел дәрежесін бағалау критерийлері мен тексеру жүргізудің жылдық жоспарлары талқыланды.