Квебекте Парламентаралық Одақтың 127-ші Ассамблеясы ашылды

АСТАНА. 22 қазан. ҚазАқпарат - Квебекте (Канада)  Парламентаралық Одақтың 127-ші Ассамблеясы ашылды. Оған Парламент Сенатының депутаты, Табиғатты пайдалану және ауылдық аумақтарды дамыту комитетінің төрағасы Болат Жылқышиев Қазақстан парламенттік делегациясының құрамында қатысуда.

Бұл туралы Сенаттың баспасөз қызметінен хабарланды.

«127-ші Ассамблеяның аясында жаһандық әлемдегі азаматтық және жеке адам, тіл және мәдени алуандық тұрғысындағы мәселелер бойынша арнайы пікірсайыстар өтуде. Сондай-ақ жастар үшін жаһандық экономикада мүмкіндік туғызуға, орнықты даму мақсатында өзара тиімді сауда мен инновациялық тетіктерді қаржыландыруға арналған пікірсайыстар жоспарланған», - делінген баспасөз хабарламасында.