Қытайда 20 метрлік биіктіктен құлаған әйелді жұбайы шашынан ұстап, құтқарып қалды

АСТАНА. ҚазАқпарат - Қытайдың Шэньси провинциясында жұбайымен ренжісіп қалған әйел ашуға бой беріп, үй төбесінен  секірмекке әрекеттенеді. Ғимараттың шатырына шығып, секірген сәтінде оны жұбайы құтқарып қалды, деп хабарлайды South China Morning Post.

Ол әйелінің шашынан үш минут ұстап тұрады. Кейіннен полицейлер көмекке келіп, әйелді көтеріп алған. Абырой болғанда, ол қабырғадан шығып тұрған құбырдан ұстап үлгерген. Полицейлердің айтуынша, оқиға орнына жеткен кезде жұбайы ұстап тұрған шаш оның қолынан сырғып шыға бастаған көрінеді. «Егер біз бірнеше секундқа кешіккенде оны құтқару мүмкін болмас еді», - дейді полиция офицері Цзо Юй.

РИА Новости хабарлағандай, Цзо Юй  жоғарыға шатырдың қанаты арқылы өрмелеп барып, әйелді  шығаруға көмектескен.