Қызылорда қаласына қарасты шаруашылықтарда 1400 млн. теңгенің өнімі өндірілді

ҚЫЗЫЛОРДА. Қарашаның 4-і. ҚазАқпарат (Руслан Игілік) - Биыл қалаға қарасты ауылдық округтер шаруа­шы­лықтарында 1400 млн. теңгенің өнімі өндірілді,

деп хабарлайды ҚазАқпарат тілшісі.

Оның ішінде 1029,6 млн. теңге егіншілік саласының, ал 458,8 млн. теңге мал шаруашылығы саласының үлесіне тиеді. Жалпы, үстіміздегі жылы қала бойынша 2859 гектар жерге күріш дақылы егіліп, онан 10921 тонна астық қамбаға құйып алынды. Сөйтіп, орташа гектар түсімділігі 38,2 цент­нерден келді.

Айта кету керек, осы өндірілген өнім көлемінің басым бөлігі биыл ғана бірігіп, іріленген шаруашылықтардың үлесіне тиіп отыр. Соның ішінде Ақжарма ауылындағы майда жеке қожалықтар үш ірі шаруашы­лық­қа, ал Қарауылтөбе және Ақсуат ауыл­дарын­дағы диқандар қауымы бір шаруа­шылыққа топтасып, тірлік жа­сады. Нәтижесінде Ақжарма ауы­лын­да 1456 гектар, Қарауылтөбе мен Ақ­суат ауылында тиісінше 285 және 430 гектар жерге күріш егуге қол жеткі­зілді. Осы егілген әрбір гектар егістің көлемі мен тыңайтқышына және жа­нар-жағармай үшін аталған шаруашы­лықтар Үкімет тара­пынан бе­рілген қайтарымсыз қаржыны алу мүмкіндігіне ие болды. Жалпы, биыл қалалық диқандар еккен дақылдар көлеміне орай 36,7 млн. теңге субсидия алды.

Бұл қаржы сол шаруашы­лықтардың материал­дық жағдайын жақсар­тумен қатар еккен егістің бітік шығуына да негіз қалады. Қорытын­ды­сында жоғарыда аталған үш ауыл­дағы шаруашылық әрбір гектардан орташа есеппен 37,5-45 центнер аралығында Сыр маржанын жинап алды.