Қызылорда қаласында 1500 жаңа жұмыс орны ашылды

ҚЫЗЫЛОРДА. Мамырдың 30-ы. ҚазАқпарат /Руслан Игілік/ - Қызылорда қаласында жыл басынан бері жаңадан 1500 жұмыс орны ашылды.

Олардың басым бөлігі өнеркәсіп, сауда, құрылыс, білім беру және денсаулық сақтау салаларында, деп хабарлайды ҚазАқпарат тілшісі.Қалалық жұмыспен қамту және әлеуметтік бағдарламалар бөлімі арқылы 16-29 жас аралығындағы 150 адам білім беру, денсаулық сақтау, тағы басқа салалардағы 27 мекемемен келісім-шартқа отырды. Ал "ҚазРОСМұнай", "УАД", "Бабас", "Жолқұрылыс" ЖШС-лармен 300 адамға келісім-шарт жасалып, құрылысшы, жүргізуші, механизатор, ағаш ұсталары «екі қолға бір жұмыс» тапты.