Қызылорда облысында апта ішінде 3 жол-көлік оқиғасы орын алып, 1 адам қайтыс болды

ҚЫЗЫЛОРДА. Тамыздың 13-і. ҚазАқпарат /Руслан Игілік/ - Қызылорда облысында апта ішінде 3 жол-көлік оқиғасы орын алып, 1 адам қайтыс болды, 3 адам әртүрлі дене жара­қаты­на ұшырады.

Жолда жүру ережесін бұзушылар саны 1913 адам, оның ішінде автокөлікті спирттік ішімдік ішіп басқарған 24 жүргізуші бар. Жолда жүру ережесінің тәртібін өрескел бұзған 63 жүргізушінің автокөлігі айып алаңына қойылды.

Қызылорда қаласы, Абдрах­манов көшесінің тұрғыны, 1967 жылы туған азамат «Тойота Королла» автокөлігімен «Шымкент-Самара» тасжолы бойында аударылып қалды. Нәти­же­сінде көлік ішіндегі 2 жолаушы әртүрлі дене жарақатын алып, Қармақшы аудан­дық ауруханасына жатқызылды.

Қызылорда-Тереңөзек тасжолының 28 шақырымында «Ауди-80» автокөлігінің иесі басқару жүйе­сіне ие бола алмай, ауда­рылып қалды. Нәтижесінде көлік ішіндегі жолаушы дене жарақатынан аудандық ауруханада қайтыс болды.