Қызылорда облысында әскери даярлықты арттыру мақсатындағы оқу-жаттығу жиыны болып өтті

ҚЫЗЫЛОРДА. Қыркүйектің 24-і. ҚазАқпарат /Жаңагүл Сердалы/ - Кеше Қызылорда облысының Қазалы ауданында өткізілген әскери даярлықты арттуға арналған оқу-жаттығу жиыны аяқталды. Он күнге созылған бұл шараның соңғы сәті Басығара елді мекеніндегі су торабында қорытындыланды. Оған «Жедел жәрдем» стансасы, Қазалы қалалық емханасы, ішкі істер бөлімі, өрт сөндіру бөлімшесі, қорғаныс бөлімі қызметкерлері, облыстық ішкі істер департаментінің арнайы мақсаттағы «Арлан» тобы құрамы қатысты.

Жаттығуда содырлар тобын ауыздықтау шаралары қарастырылды. Ол сәтті өтті. Соңынан жаттығуда ерекше көзге түскен бөлімдер мен жекелеген қызметкерлер түрлі марапаттарға ие болды.