Қызылорда облысында биыл «Жол картасы» бағдарламасы үшін 1633,5 млн. теңге қаржы бөлінді

ҚЫЗЫЛОРДА. Қыркүйектің 10-ы. ҚазАқпарат /Жаңагүл Сердалы/ - Қызылорда облысында үстіміздегі жыллы республикалық «Жол картасы» бағдарламасын жүзеге асыру үшін 1633,5 млн. теңге қаржы қарастырылды. Аталмыш қаржының 1625,4 млн. теңгесі республикалық бюджеттен берілсе, 8,1 млн. теңгесін облыстық бюджет шығарды.

Осыншама соманың 468,2 млн. теңгесі тұрғын үй-коммуналдық шаруашылығына, 946 млн. теңгесі жол жөндеу жұмыстарына, 75,3 млн. теңгесі мектептерді жөндеуге және 144 млн. теңгесі әлеуметтік жұмыс орындарын құру мен жастар практикасына бағытталды.