Қызылорда облысында кәсіпкерлік саласы бойынша 81 мың адам жұмысқа тұрған
Досжановтың айтуынша, облыста кәсіпкерлікті қолдау бағытында атқарылған шаралардың нәтижесінде аймақта шағын және орта кәсіпкерліктің даму көрсеткіштері оң серпінге ие болды.
«Атап айтқанда, облысымызда 47 мыңнан аса шағын және орта бизнес субъектілері тіркелген. 2016 жылдың 9 айының қорытындысы бойынша аталған салада 81 мыңнан аса адам жұмыспен қамтылып, 158,4 млрд. теңгенің өнімі өндірілді.
«Елбасы Қазақстан халқына арнаған Жолдауында бизнес-ортаны түбегейлі жақсарту және кеңейту, елімізде инвестициялық климатты нығайту, жаппай кәсіпкерлікті қолдау тетіктерін одан әрі жетілдіру керегі, соның ішінде отбасылық кәсіпкерлікті дамыту бағытында кешенді шаралар жүргізу қажеттігін айтты. Бұл тұрғыда өңірде дамыған елдердің озық стандарттары мен тәжірибесін енгізу арқылы жүйелі жұмыстардың қолға алынуы қажеттігі нақтыланды. Биылғы жылдан бастап Елбасының тапсырмасымен Нәтижелі жұмыспен қамту және жаппай кәсіпкерлікті дамыту бағдарламасы іске асырылмақ», - дейді басқармасы басшысының міндетін атқарушы.
Айта кетейік, өткен жылы «Бизнестің жол картасы 2020» бағдарламасын іске асыру үшін республикалық бюджеттен 1,6 млрд. теңге бөлінді. Жалпы бағдарлама шеңберінде 2016 жылы жалпы несие қоржыны 29,1 млрд. теңгені құрайтын 401 жоба субсидияланды, сондай-ақ шағын және орта бизнестің 48 субъектісі жалпы құны 850 млн. теңгеге кепілдік ұсынылды.