Қызылорда облысында «Кәсіпкерліктің жедел кур­сы» атты оқыту-тренингтері өтті

ҚЫЗЫЛОРДА. Желтоқсанның 24-і. ҚазАқпарат (Руслан Игілік) - «Бизнес-кеңесші» бағдарламасы аясында «Кәсіпкерліктің жедел кур­сы» атты оқыту-тренингтері осы жылдың қараша-желтоқсан айларында Қызылорда облысының барлық ауданында өткізілді,

деп хабарлайды ҚазАқпарат тілшісі.

Оқыту-тренингтерге барлы­ғы 840 тыңдаушы қамтылып, толық курсты меңгерген 370 тыңдаушы­ға сертификаттар табысталды. Тре­нингтің негізгі қатысушылары, бұл - жастар тәжірибесінде жүрген жас мамандар, экономика және қаржы факультетінде дәріс алып жүрген соңғы курс студенттері, жұмыссыз­дар, кәсіпкерлер, ісін жаңа бастаған кәсіпкерлер және кәсіпкер болуға ниетті азаматтар. Сонымен қатар осы тренингтерге мүмкіншілігі шектеулі адамдар да қатысты. Ең көп қатысу­шылар Арал ауданында (154 адам), Қызылорда қаласында (119 адам), Жаңақорған ауданында (93 адам), Жалағаш ауданында (92 адам) тір­келді.