Қызылорда облысында қазір 23 мектеп үйінің құрылысы жүріп жатыр

ҚЫЗЫЛОРДА. Тамыздың 21-і. ҚазАқпарат /Жаңагүл Сердалы/ - Қызылорда облысында қазіргі таңда 23 мектеп үйінің құрылысы жүріп жатыр.

Олардың арасында республикалық бюджет қаржысына салынып жатқан 1200 орындық 4 және 1248 орындық 1 мектеп ғимараттары бар. Бұлардан бөлек, облыстық бюд­жеттен бөлінген қаражат есебінен 18 мектеп үйлері салынуда. Арал ауда­ны­ның Қаратерең елді мекенінде - 300, Аралқұм, Қызылжарда - 250, Ақбайда - 200, Қосжар және Сазды ауылда­рын­да - 100, Қазалы ауданының Кәукейінде - 300 орындық және бірнеше елді мекендерде түрлі деңгейдегі жаңа мектептің жоба­лау-сметалық құжат­тамасын әзірлеуге облыстық бюджет­тен тиісті қаражат бөлінген.