Қызылорда облысында жыл басынан бері 433 млрд. теңгенің өнеркәсіп өнімдері өндірілді

ҚЫЗЫЛОРДА. Қыркүйектің 13-і. ҚазАқпарат /Жаңагүл Сердалы/ - Қызылорда облыстық статистика департаментінің деректеріне қарағанда, облыста жыл басынан бері 433 млрд. теңгенің өнеркәсіп өнімдері өндірілген.

Өткен жылдың осы кезеңімен салыстырғанда, бұл 1,3 пайызға артық көрінеді. Осындай серпінді серпілістер ауыл шаруашылығы саласында да бар. Мұнда қаңтар-шілде аралығында 8,1 млрд. теңгенің өнімі шығарылған. Соның ішінде мал шаруашылығының алатын үлес-салмағы айтарлықтай. Түліктің барлық түрінің өскені байқалады.