Қызылорда облысындағы сапарын Серік Ахметов «Бастау» ЖШС бизнес орталығында қорытындылады

ҚЫЗЫЛОРДА. 15 қараша. ҚазАқпарат - ҚР Премьер-Министрі Серік Ахметов бүгін Қызылорда облысына жасаған жұмыс сапарын «Бастау» жауапкершілігі шектеулі серіктестігінің жұмысын аралап көрумен аяқтады.

Үкімет басшысы серіктестіктің 11 қабаттан тұратын байқау алаңын аралап көрді. Содан соң Қызылорда облысының мемлекеттік бағдарламаларды жүзеге асыру барысымен танысты. Осы жерде облыс әкімі Болатбек Қуандықов аймақтың даму барысы туралы баяндама жасады.