Қызылорда облысының шаруашылықтарында астық жинау науқаны аяқталып келеді

ҚЫЗЫЛОРДА. Тамыздың 13-і. ҚазАқпарат /Руслан Игілік/ - Қызылорда облыстық ауыл шаруа­шылығы басқармасының мә­ліметіне сүйенсек, облыс бойынша бүгінгі таңға күздік бидай гектарына 14,7 цент­нерден келіп, 6240 тонна өнім жиналған.

Өткен жылы гектарына 16,4 центнерден айналған болатын. Сондай-ақ келесі жылға 810 тонна тұқым құйылды. Өңірімізде күздік бидай оңтүстіктегі екі ауданда ғана егіледі. Жаздық бидайдың әр гектарынан жаңақор­ғандықтар 11,3 центнерден өнім келтірсе, төменгі өнім гектарына 4 центнерден - Қармақшы ауданының еншісінде. Өткен жылы 3,3 центнерден өнім алған қазалылықтар биыл 8,9 центнерге қол жеткізіп отыр. Жалағаш, Сырдария аудан­дарының өнімі де былтырғы жылдан едәуір төмен.

Облыс бойынша жаздық бидайдан жиналған жалпы өнім 870 тоннаны құрайды. Арпа өнімі биыл облыс бойынша Жаңа­қорған, Қазалы аудандарында егілді. Одан 420 тонна астық жиналды.

Бүгінгі күнге облыста ерте көкөніс, бақша дақылдарының өнімін жинау жұмыстары жүріп жатыр. Егілген 6353 гектар көкөністің 300 гектары жиналып, одан 3,6 мың тонна өнім алынса, 8079 гектар бақша дақылының 700 гектарынан 10 мың тонна өнім алынды. Егін жинау науқаны жалғасуда.