Қызылордада екі мемлекеттік қызметкер парамен ұсталды

ҚЫЗЫЛОРДА. 7 мамыр. ҚазАқпарат /Жаңагүл Сердалы/ - Қызылорда облыстық сыбайлас жемқорлық пен ұйымдасқан қылмысқа қарсы күрес (қаржы полициясы) департаментінің қызметкерлері екі жемқорды құрықтады.

Бұл туралы облыстық қаржы полициясының баспасөз хатшысы Раушан Мәмекова хабарлады.

Бұлардың біріншісі - Арал-Сырдария облысаралық балық шаруашылығының жетекші маманы кәсіпкерлерден ақша бопсалап жүрген кезінде қолға түсті. Екіншісі Шиелі аудандық аумақтық ветеринарлық-санитарлық инспекциясының бөлім бастығы болып шықты.

Қазір осы қылмыстық оқиғаларға қатысты тергеу амалдары жүріп жатыр.