Қызылордада “Еуразия тарихы мен мәдениетіндегі Арал-Сырдария өңірінің орны” атты халықаралық конференция өткізілді

ҚЫЗЫЛОРДА. Қарашаның 4-і. ҚазАқпарат (Руслан Игілік) - Қызылорда қаласындағы Cтуденттер сарайында облыс­тық мәдениет басқармасы мен университет әкімшілігінің ұйымдас­тыруымен «Еуразия тарихы мен мәдениетіндегі Арал-Сырдария өңірінің орны» атты халықаралық ғылыми конференцияның пленар­лық мәжілісі өтті,

деп хабарлайды ҚазАқпарат тілшісі.

Конференция жұмысына еліміз­дің және алыс-жақын шет елдердің (Ресей Федерациясы, Италия, Түркия  Рес­публикасы) белгілі жоғары оқу орындарынан келген тарихшылар, ар­хео­логтар, этнологтар, этно-архео­логтар, мәдениеттанушылар, өнерта­ну­шылар, аралас пән өкіл­дері, дала­лық Еуразия және Арал-Сыр­дария өңі­рінің тарихы мен мәдениетін зерт­теуші мамандар, ғылыми-зерт­теу ұйымының қызмет­керлері қа­тысты.

Секциялық отырыстарда «Арал -Сыр­дария өңірін мекендеген ха­лық­тардың археологиясы мен этно­логиясын зерттеу мәселелері», «Еуразия кеңістігіндегі түркі тілдес халықтар мәдениеті, олардың жазба ескерткіштері, өнері, фольклоры, музыкасы», «Ұлы Жібек жолы: тарихи сабақтастық және ар­хитектуралық ескерткіштерді зерт­теудің өзектілігі» және басқа тақырыптарды қамтыған бірнеше баяндамалар тыңдалды