Қызылордада көпқабатты ипотекалық тұрғын үй пайдалануға берілді
Салтанатты шараға қала әкімі Мархабат Жайымбетов қатысып, жаңа қоныс иелеріне пәтерлер кілттерін тапсырды.
Пайдалануға беріліп отырған 50 пәтерлі көпқабатты тұрғын үйдің сметалық құны 268,2 млн. теңге тұрады. Үйдің жалпы көлемі - 4315,61 шаршы метрді құрайды, ондағы пәтер ауданы 3405,49 шаршы метрді алады. Құрылыс нысанын «Қызылорда Жоба Құрылыс» ЖШС жобалаған болса, бас мердігер ретінде құрылысын «Аман Құрылыс» ЖШС жүргізген.
Жаңа қонысқа негізінен мемлекеттік, әскери қызметкерлер және мұнай компаниясының өкілдері мен құқық қорғау қызметкерлері ие болды. Қоныстанушылар атынан сөз алған «ҚазГерМұнай» компаниясының қызметкері Шоқан Ысқақов осындай игілікке бастамашы болып, қуаныш сыйлаған азаматтарға алғысын білдірді.
Жалпы, жыл басынан бері Қызылорда қаласында 5 жалдық, 1 ипотекалық үй, барлығы 200 пәтер тұрғындар игілігіне берілді. Ал 2012 жылы 6 жалдық, 2 ипотекалық үй пайдалануға беріледі деп күтілуде.