Қызылордада «Көрікті жарнама - көркем тіл» атты байқау өтті

ҚЫЗЫЛОРДА. Тамыздың 14-і. ҚазАқпарат /Руслан Игілік/ - Кеше А.Тоқмағамбетов атындағы мәдениет үйінде облыстық тілдерді дамыту жөніндегі басқарманың ұйым­дастыруымен «Көрікті жарнама - көркем тіл» атты облыстық байқау өтті.

Мемлекеттік тілдің қолданыс аясын кеңейту, жарнама тілінің қазақ тілінде жазылуын және жарна­малардың көр­кемдік сапасын жақсарту мақсатын көздеген бұл байқауға банктер мен жарнама агенттіктері және жеке кәсіп­керлер қатысты.

Байқауға қатысушылар өз өнім түр­лерін, жарнама материалдарын, логотипі салынған күнтізбелер, кар­талар, үнпарақтар, кеңсе бұйымдары, буклеттер, маңдайша жазуы және сыртқы жарнамалар мәтіндері түсі­рілген суреттерді сарапқа салды. Олар байқау шартына сәйкес жарнама ролик­тері мен слайдтарын пайдалана отырып, қызметтерін таныстырды.

Қазылар алқасы жарнама мә­тіндерінің мемлекеттік тілде сауатты жазылуына, жарнаманың қазақ тілінің табиға­тына, ұлт ұғымына сай болуына назар аударды. Байқау қорытын­дысында «Қызылорда дизайн» жар­нама агенттігі жеңімпаз деп танылса, Тұрғын үй құрылыс жинақ банкі мен «Картел» байланыс жүйесі жүлделі орындарды бөлісті.